|
|
|
Kiraata Varahi Stotram
asya śrī kirāta vārāhī stōtra mahāmantrasya dūrvāsō bhagavān r̥ṣiḥ, anuṣṭup chandaḥ, śrīkirātavārāhī mudrārūpiṇī dēvatā, huṁ bījaṁ, raṁ śaktiḥ, klīṁ kīlakaṁ,mama sarvaśatrukṣayārthaṁ śrīkirātavārāhīstōtrajapē viniyōgaḥ |
ugrarūpāṁ mahādēvīṁ śatrunāśanatatparām |
krūrāṁ kirātavārāhīṁ vandē:’haṁ kāryasiddhayē || 1 ||
svāpahīnāṁ madālasyāmapramattāmatāmasīm |
daṁṣṭrākarālavadanāṁ vikr̥tāsyāṁ mahāravām || 2 ||
ūrdhvakēśīmugradharāṁ sōmasūryāgnilōcanām |
lōcanāgnisphuliṅgādyairbhasmīkr̥tvājagattrayam || 3 ||
jagattrayaṁ mōdayantīmaṭ-ṭahāsairmuhurmuhuḥ |
khaḍgaṁ ca musalaṁ caiva pāśaṁ śōṇitapātrakam || 4 ||
dadhatīṁ pañcaśākhaiḥ svaiḥ svarṇābharaṇabhūṣitām |
guñjāmālāṁ śaṅkhamālāṁ nānāratnavibhūṣitām || 5 ||
vairipatnīkaṇṭhasūtracchēdanakṣurarūpiṇīm |
krōdhōddhatāṁ prajāhantr̥ kṣurikēvasthitāṁ sadā || 6 ||
jitarambhōruyugalāṁ ripusaṁhāratāṇḍavīm |
rudraśaktiṁ parāṁ vyaktāmīśvarīṁ paradēvatām || 7 ||
vibhajya kaṇṭhadaṁṣṭrābhyāṁ pibantīmasr̥jaṁ ripōḥ |
gōkaṇṭhamiva śārdūlō gajakaṇṭhaṁ yathā hariḥ || 8 ||
kapōtāyāśca vārāhī patatyaśanayā ripau |
sarvaśatruṁ ca śuṣyantī kampantī sarvavyādhayaḥ || 9 ||
vidhiviṣṇuśivēndrādyā mr̥tyubhītiparāyaṇāḥ |
ēvaṁ jagattrayakṣōbhakārakakrōdhasamyutām || 10 ||
sādhakānāṁ puraḥ sthitvā pravadantīṁ muhurmuhuḥ |
pracarantīṁ bhakṣayāmi tapaḥ sādhakatē ripūn || 11 ||
tēpi yānō brahmajihvā śatrumāraṇatatparām |
tvagasr̥ṅmāṁsamēdōsthimajjāśuklāni sarvadā || 12 ||
bhakṣayantīṁ bhaktaśatrōracirātprāṇahāriṇīm |
ēvaṁ vidhāṁ mahādēvīṁ yācēhaṁ śatrupīḍanam || 13 ||
śatrunāśanarūpāṇi karmāṇi kuru pañcami |
sarvaśatruvināśārthaṁ tvāmahaṁ śaraṇaṁ gataḥ || 14 ||
tasmādavaśyaṁ śatrūṇāṁ vārāhi kuru nāśanam |
pātumicchāmi vārāhi dēvi tvaṁ ripukarmataḥ || 15 ||
mārayāśu mahādēvī tatkathāṁ tēna karmaṇā |
āpadaḥ śatrubhūtāyā grahōtthā rājakāśca yāḥ || 16 ||
nānāvidhāśca vārāhi stambhayāśu nirantaram |
śatrugrāmagr̥hāndēśānrāṣṭrānyapi ca sarvadā || 17 ||
uccāṭayāśu vārāhi vr̥kavatpramathāśu tān |
amukāmukasañjñāṁśca śatrūṇāṁ ca parasparam || 18 ||
vidvēṣaya mahādēvi kurvantaṁ mē prayōjanam |
yathā naśyanti ripavastathā vidvēṣaṇaṁ kuru || 19 ||
yasmin kālē ripustambhaṁ bhakṣaṇāya samarpitam |
idānīmēva vārāhi bhuṅkṣvēdaṁ kālamr̥tyuvat || 20 ||
māṁ dr̥ṣṭvā yē janā nityaṁ vidvēṣanti hasanti ca |
dūṣayanti ca nindanti vārāhyētān pramāraya || 21 ||
hantu tē musalaḥ śatrūn aśanēḥ patanādiva |
śatrudēhān halaṁ tīkṣṇaṁ karōtu śakalīkr̥tān || 22 ||
hantu gātrāṇi śatrūṇāṁ daṁṣṭrā vārāhi tē śubhē |
siṁhadaṁṣṭraiḥ pādanakhairhatvā śatrūn suduḥsahān || 23 ||
pādairnipīḍya śatrūṇāṁ gātrāṇi mahiṣō yathā |
tāṁstāḍayantī śr̥ṅgābhyāṁ ripuṁ nāśaya mēdhunā || 24 ||
kimuktairbahubhirvākyairacirācchatrunāśanam |
kuru vaśyaṁ kuru kuru vārāhī bhaktavatsalē || 25 ||
ētatkirātavārāhyaṁ stōtramāpannivāraṇam |
mārakaṁ sarvaśatrūṇāṁ sarvābhīṣṭaphalapradam || 26 ||
trisandhyaṁ paṭhatē yastu stōtrōkta phalamaśnutē |
musalēnātha śatrūṁśca mārayanti smaranti yē || 27 ||
tārkṣyārūḍhāṁ suvarṇābhāṁ japēttēṣāṁ na saṁśayaḥ |
acirāddustaraṁ sādhyaṁ hastēnākr̥ṣya dīyatē || 28 ||
ēvaṁ dhyāyējjapēddēvīmākarṣaṇaphalaṁ labhēt |
aśvārūḍhāṁ raktavarṇāṁ raktavastrādyalaṅkr̥tām || 29 ||
ēvaṁ dhyāyējjapēddēvīṁ janavaśyamāpnuyāt |
daṁṣṭrādhr̥tabhujāṁ nityaṁ prāṇavāyuṁ prayacchati || 30 ||
dūrvāsyāṁ saṁsmarēddēvīṁ bhūlābhaṁ yāti buddhimān |
sakalēṣṭārthadā dēvī sādhakastatra durlabhaḥ || 31 ||
iti śrī kirātavārāhī stōtram |
|
|
